రుచి

ఎంత తొందరగా చల్లారిపోయింది నిప్పుకణం
ఎంత త్వరగా చప్పబడిపోయింది మనస్నేహం

ఏమి వండావ్ ఏమి తిన్నావ్
ఎప్పుడు పడుకున్నావ్ పనమ్మాయి వచ్చిందా
రోజూ ఈ అర్ధం లేని పలకరింపులు
ఇదే స్నేహమని సరిపెట్టుకునే నిట్టూర్పులు

బాలేదా? అయితే మందేసుకో అనే సలహాలు
కొత్త బట్టలా? అయితే వెబ్ కాం లో కనిపించు అంటూ సరదాలు
పక్క ఊరిలో ఉన్నా, మరో దేశం లో ఉన్నా
నేస్తాలకై మనం పడే ఆరాటాలు

ఒంటరినైనపుడు ఓదార్చే జ్ఞాపకాలు
జీవితపు సుడిగాలిలో చెల్లాచెదరైనా
మళ్ళీ మనమంతా కలుస్తామనే నమ్మకాలు

నేస్తం! చప్పబడిందనుకోకు జీవితాన్ని త్వరపడి
చప్పరించేయబోకు తేలికగా జీవనాన్ని
ఋతువు మరల రావడమే ప్రకృతిలో సరళని
ఆస్వాదించి ఆనందించు అన్ని రుచులని