దెబ్బ

మనసుకి చేసిన గాయాలు
విషం చిమ్ముతున్నాయి
హృదయానికి తగిలిన దెబ్బలు
నిప్పులవర్షం కురుస్తున్నాయి
చేసిన తప్పులు
విచ్చుకత్తులు దూస్తున్నాయి
లేపిన చెక్కులు
పచ్చిగా రసి కారుతున్నాయి

నేస్తం!
ఇది
మౌనంగా అంతర్మధనం
జరిపే సమయం
శాంతంగా సమాధానం
వెతికే తరుణం

కాలాన్ని కొంత మాయ చెయ్యనీ
గాయాన్ని కొంత మాననీయనీ

ఆపై...
నా ప్రేమవనంలో సేద తీరుతావో
మరో రహదారిలో సాగిపోతావో
నీ ఇష్టం