సమయం

విందులకుందో సమయం
శివాలుచిందులకుందో సమయం
ముద్దులకుందో సమయం
సరిహద్దులకుందో సమయం

చదువులకుందో సమయం
సాయంసంధ్యలకుందో సమయం
ఆటలకుందో సమయం
గెలుపోటమికుందో సమయం

విప్లవాలకుందో సమయం
విశ్వశాంతికుందో సమయం
చర్చలకుందో సమయం
గట్టిచర్యలకుందో సమయం

ప్రార్ధనకుందో సమయం
ప్రతిస్పందనకుందో సమయం
శోధనకుందో సమయం
పరిశోధనకుందో సమయం

నవ్వులకుందో సమయం
చిరుదివ్వెలకుందో సమయం
హాస్యానికుందో సమయం
ఆగ్రహలాస్యానికుందో సమయం

పదే పదే ఒకే పాట
పాచిపళ్ళ దాసుతనం
అదోరకం మూసతనం
వీడి అందరం చేయాలోయ్
జీవితాన సమతుల్యగానం

(ఎప్పుడూ ఒకే ధోరణిలో ఉండేవారికి సమయస్పూర్తిని తెలియజేస్తూ, అన్నిటికీ సరియైన సమయం కేటాయించే సమతుల్యగానగంధర్వులకు నా సమయం అంకితం.)