ఇన్నాళ్ళ మన స్నేహం
ఏమయింది నేస్తం
ఇన్నేళ్ళ అనుబంధం
అయిందా శూన్యం
ఈవల నేను ఆవల నీవు
చెప్పుకున్న కబుర్లు
నడిచిన చిరు నడకలు
అందవు లెక్కలు
వేనకు వేలు
అంటకుండా నా
కంట నిండిన నీకు
అడుగుల మడుగుల ఆగ్రహమా
నీతో గడిపే క్షణాలకై
నేగణించే ఆ నాలుగు కాలాలు
తెలిసీ అలుసయే మరుపుగేయమా
ప్రాణదాత నీ స్నేహం
ప్రళయమెలా అయింది చిత్రం
అంతరంగం తానైన నేస్తం
అపరిచితగా మారిన వైనం
(ఏడేళ్ళ పైగా సాగిన స్నేహంలో, ఈ సంవత్సరం వరదలతో భీభత్సం స్రుష్టించి, అకస్మాత్తుగా అపరిచితగా మారిన మా సీడర్ నదికి నా అపరిచిత అంకితం.)
No comments:
Post a Comment