కార్పొరేట్

రావయ్యా కాపిటలిస్టూ
ప్రతీదీ కార్పొరేటు చేసేద్దాం

బస్సుటాండు కార్పొరేటు
దవాఖానా కార్పొరేటు
ఎవసాయం కార్పొరేటు
బడిగూడా కార్పొరేటు

మరి కవితలెందుగ్గాదు
కార్పొరేటు? నువ్వేం బయపడకు
అదీ జేహేద్దాం కార్పొరేటు

కలంల సిరా ఉన్నంతవరకు
బుర్రల పదాలున్నంతవరకు
గుండెల అనుబూతులున్నంతవరకు
జీవితంల అనుబవాలున్నంతవరకు
అయి చదివే నీబోటోళ్ళున్నంతవరకు

కవితలు కార్ఖానాల్లో
తయారు చేసేద్దాం
మిషనులో ఏసి సుచ్చు ఏసేద్దాం
అసలదిగూడా ఆటోమాటిక్ చేసేద్దాం

నువ్వేం బయపడకు
కవితలుగూడా చేసేద్దాం కార్పొరేటు

(ప్రతిదీ కార్పొరేటు చేస్తున్న ఈ రోజుల్లో కవిత్వం లాంటి స్రుజనాత్మక అంశం కూడా కార్పొరేటు అయితే - అనే అలోచనతో ఈ వ్యంగ్య ప్రయోగం)