అంతం

ప్రతి కధకూ ఉందో అంతం
ప్రతి వ్యధకూ ఉందో అంతం
ప్రతి ప్రాణికీ ఉందో అంతం
ప్రతి విశ్వానికీ ఉందో అంతం

ఆది అంతాల నడుమ జీవనం ముఖ్యం
అది అద్వైతమైతే మరీ అందం

చావుపుట్టుకలు అతి సహజం
అన్నింటికీ ఉంటుందో అర్ధం
ఎన్నటికీ ఎడబాయనిదే దైవం
పెంచుకో ఆదైవంతో బంధం

ఏది ఏమైనా కంగారు వ్యర్ధం
ఒక చేయి దైవంతో
మరో చేయి మనిషితో
నడవడమే పరమార్ధం

ప్రతి అంతానికీ ఉందో అంతం
మరో ఆదికి ఆది అని దానర్ధం

(ఏది అంతమైనా జీవితం అంతం కాదనీ, మరో ఆరంభానికి మొదలు అనీ, ఏమైనా మనోస్థైర్యంతో ముందుకు సాగాలనీ భుజం తడుతూ; ఆద్యంతాల నిమిత్తం లేక, జీవితాన్ని సంపూర్ణంగా అనుభవించేవారికి, తోటివారికి ఆ పూర్ణత్వం పంచేవారికీ ఈ అంతం అంకితం.)