ఎట్టుండాల

మాట్టాడితే
ఎన్నపూస రాసినట్టుండాల
నిలబడితే
ఎన్నుపూస నిటారుగుండాల

నడిసొత్తే
సింగమోలె ఉండాల
కూకుంటే
మంచుకొండగుండాల

నవ్వితే
నిసిరాతిరి ఎన్నెల నిండాల
ఏడిత్తే
సోకం ఉప్పెనై ముంచాల

సిందేత్తే
సివమెత్తినట్టుండాల
పాడితే
పడగలు నాట్టెమాడాల

గీరలో
నిరుపేదగుండాల
ఇనయంలో
లచ్చాదికారి కావాల

దానంలో
ఎముకలేకుండాల
దైన్నెంలో
దైర్నంగుండాల

కట్టంజేత్తే
పట్టింది బంగారంగావాల
నమ్మితే
నడిసంద్రం సీలాల

జట్టుకడితే
పేనమివ్వాల
అన్నాయంసూత్తే
అగ్గి కురవాల

మాటిత్తే
నిలబెట్టాల
మనసిత్తే
కడబట్టాల

పేమిత్తే
ఎదుటోడి సుకం కోరాల
పేనమిత్తే
రెండంచులకత్తి గుండెలు సీల్చాల

మడిసుంటే
దైవం కొలువుండాల
ఎదనిండా
పేమ పొంగిపొర్లాల

(మడిసంటే ఇట్టుండాలని వోల్ల జనమంతో సాటిసెప్పిన బెమ్మరుసులకు అంకితం)